Niger Mudofaa vazirligi halok bo‘lganlar sonini tasdiqladi, deb xabar berdi BBC.
Mavjud ma’lumotlarga ko‘ra, halok bo‘lganlar orasida 22 nafar jangari, 11 nafar harbiy xizmatchi va ikki nafar tinch aholi vakili bor.
Rasmiylarning ta’kidlashicha, 22 nafar halok bo‘lgan jangaridan tashqari yana to‘rt nafari yaralangan. Yigirma nafar jinoyatchi hibsga olingan.
Hujum payshanba kuni aeroport va harbiy aviabaza yaqinida sodir bo‘lgan. Guvohlarning so‘zlariga ko‘ra, birinchi portlashlar mahalliy vaqt bilan soat 6:00 atrofida eshitilgan, shundan so‘ng xavfsizlik kuchlari hududni tekshirish va himoya qilishni boshlagan.
Payshanba kuni kechqurun “Al-Qoida” bilan aloqador “Islom va musulmonlar g‘alabasi guruhi” (JNIM) hujum uchun javobgarlikni o‘z zimmasiga oldi.
Shuni ta’kidlash kerakki, bu Amani Diori aeroportiga besh oydan kamroq vaqt ichida qilingan ikkinchi hujumdir. Yanvar oyida “Islomiy davlat”ga aloqador tashkilot tomonidan hujum uyushtirilgan edi, deb xabar berdi report.az.
