Атап айтқанда, Хайнань ўәлаятының Санья қаласында болып
өткен жарыста Өзбекстан Республикасынан Алмалық мәмлекетлик техника институты,
Ташкент мәмлекетлик транспорт университети ҳәм Бухара мәмлекетлик техника
университетиниң командалары қатнасты.
Жарыс жуўмағында Өзбекстан ўәкиллери - Ташкент мәмлекетлик транспорт
университети студентлери Runner Up категориясында 2-орынды ийелеп,
гүмис медалға ийе болды. Буннан тысқары, команда FIRST Tech Challenge
(FTC) China Offseason Event халықаралық турниринде "Ең белсенди ҳәм
үлгили команда" арнаўлы сыйлығы менен сыйлықланды.
Мағлыўмат ушын: Қытайдың Хайнань провинциясы Санья қаласында
өткерилген 2026-жылғы World Robot Contest (WRC) Championships
чемпионатына дүньяның 25 тен аслам мәмлекетинен 10 мыңнан аслам қатнасыўшы
қатнасты.
Бүгинги жетискенликлер тек ғана робототехника тараўындағы
табыс емес, ал Өзбекстан жасларының билими, инновациялық пикирлеўи ҳәм
халықаралық майданда бәсекиге шыдамлылығы жедел артып баратырғанының айқын
дәлили болып есапланады.
Егер сиз де инженерлик ҳәм робототехника бойынша халықаралық
жарысларда қатнасыўды қәлесеңиз, Жаслардың инновациялық басламаларын
қоллап-қуўатлаў офисине мүрәжат етиң.
