Сапар етиў даўамында делегация басшысы, Беларусь Ишки ислер
министрлигиниң өз қәўипсизлиги бас басқармасының баслығы Олег Ларен Өзбекстан
ишки ислер министриниң орынбасары Рустам Мирзаев пенен ушырасты.
Тәреплер бирге ислесиўди буннан былай да беккемлеўден өз-ара мәпдар
екенин атап өтип, әмелий бирге ислесиўдиң әҳмийетли бағдарлары, хызметкерлердиң
маманлығын арттырыў, коррупциялық жынаятларға қарсы гүресиў ҳәм кәсиплик
тәжирийбе алмасыў мәселелерин додалады.
Конструктивлик ҳәм
дослық руўхында өткен сөйлесиўлер жуўмағында бирге ислесиўди буннан былай да
раўажландырыў бойынша перспективалы ўазыйпалар белгилеп алынды.
Буннан тысқары,
Беларусь делегациясы ўәкиллери Ташкент қаласы Ишки ислер басқармасында болып,
ситуациялық орайдың жумысы, санластырыў тараўындағы жетискенликлер, сондай-ақ,
пайтахтта қәўипсиз туризмди тәмийинлеў системасы менен танысты.
