Басқарма Джо Байден ҳәкимшилиги дәўиринде "социаллық жүк"
критериясын қолланыўды шеклеген қағыйданы бийкар етиўди режелестирмекте. Жаңа
нормалар жас, денсаўлық жағдайы, шаңарақлық жағдай, финанслық активлер,
мағлыўмат, кәсиплик көнликпелер ҳәм мәмлекетлик жеңилликлерден пайдаланыўды
есапқа алған ҳалда индивидуал баҳалаўды және де толық әмелге асырыў имканиятын
береди, деп жазады "Мир24".
Өзгерислер АҚШта
турақлы жасаў орнын алыўды режелестирип атырған жүз мыңлаған сырт еллилерге
тәсир етиўи күтилмекте. Қәнигелердиң атап өтиўинше, жаңа талаплар иммигрант
шаңарақлардың минез-қулқына да тәсир көрсетиўи мүмкин, олар социаллық
бағдарламалардың бир бөлегинен өзлериниң мүрәжатларына унамсыз тәсир етиўинен
қәўетерленип, бас тартыўы мүмкин.
Буннан алдын
АҚШтың Пуқаралық ҳәм иммиграция хызмети (USCIS) де миграция тәртип-қағыйдаларын
күшейтетуғынын мәлим еткен еди. Соның ишинде, ўақтынша виза ямаса гуманитарлық
тийкарда мәмлекетке кирип келген сырт елли пуқаралар руқсат етилген болыў
мүддети жуўмақланғаннан кейин қалыўға урыныўды унамсыз баҳалап,
"грин-карта" алыў ушын арза бериўи мүмкин.
Жаңа қағыйдалар
ҳәзирше көрип шығыў тәртибинен өтип атыр ҳәм рәсмий тастыйықланғаннан кейин
күшке кириўи керек.
