"Туризм ҳаққында"ғы нызамға муўапық гидлер (гид-аўдармашылар),
экскурсия жетекшилери ҳәм инструктор-жолдаслар юридикалық тәреплерди дүзбестен
исбилерменлик жумысын әмелге асырып атырған физикалық тәреп сыпатында еркин
түрде ямаса юридикалық тәреплер менен мийнет шәртнамалары тийкарында ўәкилликли
мәмлекетлик уйым тәрепинен берилетуғын тийисли сертификат алғаннан соң хызмет
көрсетиўи мүмкин.
Ҳүжжет пенен төмендегилер тастыйықланды:
Бирден-бир тастыйықланған текст тийкарында экскурсиялар
шөлкемлестирилетуғын республиканың тийкарғы туристлик дыққатқа ылайық
орынларының дизими;
Гидлерге (гид-аўдармашыларға) маманлық категорияларын бериў тәртиби
ҳаққындағы реже.
Режеге муўапық,
гидлер (гид-аўдармашылар) ҳәўескерлик, қәнигелестирилген ҳәм профессионал
қәнигелик категорияларына киргизилиўи мүмкин.
Тийисли маманлық
сертификатлары 2026-жыл 1-декабрьден баслап Туризм комитети жанындағы Туризмди
раўажландырыў илимий-изертлеў институты тәрепинен маманлық имтиханы нәтийжелери
бойынша шекленбеген мүддетке бериледи.
Сертификатлар
ҳаққындағы мағлыўматлар Туризм комитети тәрепинен жүргизилетуғын Гидлер (гид-аўдармашылар)
дизиминиң бирден-бир электрон реестрине киргизиледи.
Ҳүжжет Нызамшылық
мағлыўматлары миллий базасында жәрияланған ҳәм 07.09.2026-жылдан күшке кирди,
деп жазады «Norma».
