Нызамшылыққа бола, балалардың физикалық ҳәм ақылый раўажланыўындағы кемшиликлерди ерте анықлаў ҳәм оларды комплексли социаллық хызметлер менен өз ўақтында қамтып алыў мақсетинде 2026-жыл 1-июньға шекем басқышпа-басқыш "Ерте араласыў" хызмети енгизиледи.
"Ерте араласыў" хызмети шеңберинде:
майыплығы болған ямаса раўажланыўында нуқсаны болған үш жасқа шекемги балаларға хызметлер Социаллық қорғаў миллий агентлиги (Агентлик) тәрепинен "Бирден-бир миллий социаллық қорғаў" мәлимлеме системасында жүргизилетуғын арнаўлы электрон реестрге киргизилген мәмлекетлик емес шөлкемлер тәрепинен көрсетиледи;
балаларға арнаўлы педагоглар тәрепинен коррекциялық-раўажландырыўшы педагогикалық жәрдем көрсетиледи, емлеў дене тәрбиясы инструкторлары тәрепинен комплексли реабилитация сабақлары өткериледи.
Майыплық белгилери анық болған анатомиялық кемшиликлери болған балаларды қосымша медициналық тексериўден өткериў ҳәм хирургиялық операцияларды әмелге асырыўға байланыслы қәрежетлер Мәмлекетлик медициналық қамсызландырыў қорының қаржылары есабынан қапланады.
