БМТнинг Comtrade халқаро савдо маълумотларига кўра, ушбу даврда Ўзбекистон гилос экспортидан 70,4 млн доллар даромад олган.
Рейтингда Чили 529,5 минг тонна кўрсаткич билан биринчи ўринни эгаллаган. Кейинги ўринлардан Гонконг — 168,4 минг тонна, АҚШ — 84,2 минг тонна, Туркия — 66,5 минг тонна ва Испания — 34,1 минг тонна билан жой олган.
Ўзбекистондан кейинги ўринларда Греция — 28 минг тонна, Озарбайжон — 25,8 минг тонна, Австрия — 18,1 минг тонна ва Молдова — 10,1 минг тонна қайд этилган.
Миллий статистика қўмитаси маълумотларига кўра, 2026 йилнинг январь–июнь ойларида Ўзбекистон 11 та давлатга 23,3 минг тонна гилос экспорт қилган. Экспорт қиймати 57,9 млн долларни ташкил этган.
Гилос экспорти ҳажми 2021 йилда энг юқори кўрсаткичга етган — 60,8 минг тонна. 2023 йилда 45 минг тонна, 2024 йилда 32,2 минг тонна ва 2025 йилда 31,7 минг тонна гилос хорижга сотилган.
