Институти Шветсия – як ниҳоди махсуси давлатӣ – натиҷаҳои интихобро барои соли таҳсили 2026/2027 аз рӯи барномаи «Swedish Institute Scholarships for Global Professionals» (SISGP), ки ба омодасозии мутахассисон аз кишварҳои рӯ ба рушд равона шудааст, эълон кард.

Аз рӯи натиҷаҳои озмун, намояндагони Ӯзбекистон 4 стипендия ба даст оварданд. Ин бори аввал аст, ки кишвар дар ин барнома иштирок мекунад ва аз ҳамин сабаб натиҷа хеле муҳим арзёбӣ мешавад, хабар медиҳад "Дунё".

Стипендияҳо дар самтҳои калидӣ, ки барои рушди илм ва иқтисод аҳамияти калон доранд, аз ҷумла робототехника ва автоматизатсия, тиб, пойгоҳҳои додаҳо ва бостоншиносӣ дода шудаанд.

Интизор меравад, ки ғолибон моҳи август–сентябри соли ҷорӣ таҳсилро дар донишгоҳҳои пешрафтаи Шветсия оғоз кунанд. Таҳсил пурра аз ҳисоби грант маблағгузорӣ мешавад.

Дар доираи барномаи SISGP стипендиатҳо чунин имтиёзҳоро мегиранд:
пардохти пурраи маблағи таҳсил; стипендияи ҳармоҳа;  ҷуброни хароҷоти сафар ба Шветсия.

Бо мусоидати Сафорати Ӯзбекистон, моҳи декабри соли 2025 кишвар ҳамчун шарики 34-ум ба барномаи «Мутахассисони ҷаҳонӣ» ворид карда шуд.

Айни замон Ӯзбекистон ягона кишвари Осиёи Марказӣ мебошад, ки дар ин ташаббуси бонуфузи таълимӣ иштирок мекунад.