2021-2022 yillar kuz-qish mavsumida "IES" AJ oldida turgan asosiy vazifalar respublika iqtisodiyot tarmoqlarini elektr va issiqlik energiyasi bilan barqaror ta'minlashga issiqlik elektr stansiyalarining tayyorligini ta'minlash, avariyasiz maksimal darajadagi yuklamada o'tishdan iborat.

Elektr energiyasini ishlab chiqarish 56 703,1 mln.kVt.s., o'sish sur'ati 104,2 foizga yetkaziladi;

Yoqilg'i energoresurslarni iqtisod qilish kompleks chora-tadbirlarini amalga oshirish hisobiga 643,644 mln.m3 tabiiy gaz va 137,68 mln kVt.s elektroenergiyasini iqtisod qilinadi;

Investitsiya dasturi doirasida 2 052,2 mln. dollarga teng 5 ta investitsion loyiha amalga oshirilib, 107,84 mln dollar mablag' o'zlashtiriladi.

2021 yilda kapital, o'rta va joriy ta'mirlash ishlarini amalga oshirish uchun ta'mirlash fondining prognoz summasi 1 106,0 mlrd.so'mni tashkil etishi rejalashtirilgan bo'lib, shundan 899,7 mlrd.so'm materiallar va extiyot qismlar uchun, 206,3 mlrd.so'm esa mehnat xarajatlari uchun taqsimlanishi ko'zda tutilmoqda.

2021 yilda IES va IEMlar tomonidan - 56 703,1 mln.kVt.s elektr energiyani ishlab chiqarish va 5 268,8 ming Gkal. issiqlik energiyasini uzatish rejalashtirilmoqda. Bu ko'rsatkichlarni bajarish uchun 15 176,6 mln. m3 tabiy gaz, 220,0 ming tonna mazut zarur bo'ladi.