Сыйлы орын ийелери:
Жаҳонали Ҳайдаралиев - Муҳаммад ал-Хоразмий атындағы мектептиң 9-класс
оқыўшысы, гүмис медаль;
Тимур Қадирбергенов - Нөкис қаласындағы Президент мектебиниң 11-класс
оқыўшысы, бронза медалы;
Улуғбек Раҳматуллаев - Наманган қаласындағы Президент мектебиниң 11-класс
оқыўшысы, бронза медалы;
Жаҳонгиршоҳ
Авазхонов - Наманган қаласындағы Президент мектебиниң 10-класс оқыўшысы, бронза
медалы.
Сондай-ақ, Наўайы
қаласындағы Президент мектебиниң оқыўшысы Сардорбек Салимов "Ҳүрметли сыйлық"қа
миясар болды.
Бул үлкен нәтийже
санлы билимлендириўди раўажландырыў, қәбилетли жасларды қоллап-қуўатлаў ҳәм
мәлимлеме технологиялары тараўында болажақ қәнигелерди таярлаў бойынша көп
жыллық жумыслардың нызамлы нәтийжеси болды. Миллий командамыздың жетискенлиги
тийкарында қатнасыўшылардың машақатлы мийнети, устазлардың профессионаллығы ҳәм
жас әўладтың интеллектуаллық потенциалын жүзеге шығарыў ушын мәмлекетимизде
жаратылған шараятлар бар.
Өзбекстан мектеп
оқыўшыларының үй олимпиадасында ерискен жетискенлиги миллий билимлендириў
тарийхында жаңа бет ашып қоймастан, мәмлекетимиз жас программистлериниң жоқары
дәрежеде таярланғанын тастыйықлады. Бул табыс өз келешегин илим, технология ҳәм
инновациялар менен байланыстырыўға умтылып атырған мыңлаған ул-қызларымыз ушын
күшли түртки болады.
