Өзбекстан Республикасының Биринши ханымы Зироат Мирзиёева Қырғызстан Республикасы, Әзербайжан Республикасы, Түркия Республикасы ҳәм Қытай Халық Республикасының биринши ханымлары менен биргеликте Шанхай бирге ислесиў шөлкеминиң саммити шеңберинде Бишкек қаласында шөлкемлестирилген мәдений илажларда қатнасты.
Биринши ханымлар қырғыз халық өнерментшилиги шеберлериниң дөретиўшилик
жумыслары көргизбеси менен танысты.
Буннан соң "Салбуурун" миллий федерациясы ўәкиллери мийманларға
қырғыз тайганларын ҳәм қолға үйретилген бүркитлерди көрсетти, сондай-ақ,
аңшылықтың әййемги дәстүрлери ҳаққында айтып берди.
Илаж соңында "Энесай" қабыллаў үйинде Қырғызстан балалар музыка
ҳәм аяқ ойын жәмәәтлериниң концерти жоқары мәртебели мийманлардың итибарына
усынылды.
