Бул ҳаққында хабардар
дереклерге сүйенип, The
Wall Street Journal жазбақта, деп
жазбақта Report.
Олардың атап өтиўинше,
Америка тәрепи де Ираннан байытылған ядро материалларының барлық резервлерин
алып шығыўды талап етпекте. Буннан тысқары, АҚШ администрациясы Исфахан, Натанз
ҳәм Фордодағы ядро объектлерин демонтажлаў, Иран ядро бағдарламасы шеңберинде
жер асты жумысларын әмелге асырыўды қадаған етиў, халықаралық тексериўлер
механизмин кеңейтиўди талап етпекте.
Буннан алдын CNN телеканалы АҚШ ҳәм Иран уранды
байытыўға мораторий енгизиў имканиятын он жылдан артық мүддетке додалап
атырғаны ҳаққында хабар берген еди.
Axios порталының жазыўынша, Вашингтон ҳәм Тегеран
қураллы келиспеўшиликти сапластырыў бойынша бир бетли меморандумды келисиўге
жақын. Америка тәрепи 48 саат ишинде Иран тәрепинен өз усынысларына жуўап күтип
атырғаны айтылмақта.
Иран сыртқы ислер министрлигиниң ўәкили Эсмаил Багаи
алдынрақ, Тегеран АҚШтың усынысларын көрип шығыўда даўам ететуғынын ҳәм кейин
ала өз жуўабын Пакистан тәрепине жеткериўин айтқан еди.
