Медициналық тексериў нәшебентлик қуралларын пайдаланыў жағдайларын ерте анықлаў мақсетинде Республикалық суд-медициналық экспертиза илимий-әмелий орайы ҳәм оның аймақлық филиалларында өткериледи.

Мүддетли әскерий хызметке шақырылатуғын пуқаралар аймақлық әскерий-медициналық комиссияға жиберилиўинен алдын, контракт бойынша әскерий хызметке қабыл етилетуғын пуқаралар болса әскерий медицина мәкемесинде медициналық тексериўден өткерилиўинен алдын медициналық тексериўден өткериледи.

Медициналық тексериў еки басқышта әмелге асырылады, дәслеп экспресс-тест жәрдеминде сидик үлгиси тексериледи, унамлы нәтийже алынған жағдайда сидик ҳәм (ямаса) қан үлгилериниң масс-спектрометрлик идентификация тексериўи өткериледи.

Медициналық тексериў нәтийжелери унамлы болған ямаса зәрүр анализлерди тапсырыўдан бас тартқан пуқаралар әскерий медициналық тексериўден өткериўге жиберилмейди.

Медициналық тексериўден өткериў ўақтында шахсқа байланыслы мағлыўматлар, биологиялық сынаўлар ҳәм тексериў нәтийжелериниң сыр сақланыўы тәмийинленеди.