Өзбекстан Республикасы Президентиниң 2026-жыл 14-августтағы ПҚ-294-санлы
қарарына муўапық, 2027-жыл 1-январьдан баслап бөлип-бөлип төлеў хызметлери
операторларының жумысын тәртипке салыў енгизиледи.
Тутыныўшыларға тийисли хызметлерди көрсететуғын юридикалық шахслар
бөлип-бөлип төлеў операторлары есапланады.
Онда, қарардың 3-бәнтиниң "д" бәнтинде көшпес мүлк оператор
тәрепинен бөлип-бөлип төлеў хызметиниң объекти болыўы мүмкин емеслиги
белгиленген. Яғный, оператор-дәлдалшы сатып алыўшыға квартира ямаса басқа
көшпес мүлк объектин бөлип-бөлип төлеў тийкарында сатып алыўды рәсмийлестире
алмайды.
Бирақ, бул турақ жайларды бөлип-бөлип сатыўға пүткиллей шек қойыўды
билдирмейди.
3-бәнттиң
"а" киши бәнтинде сатыўшы тәрепинен товарды тутыныўшыға тиккелей
сатыў жағдайлары усы қарардың мазмунындағы бөлип-бөлип төлеў хызметине
кирмейтуғыны нәзерде тутылған.
Усы тәризде, егер
есап-санақтың бундай түри келисим шәртлеринде нәзерде тутылған болса, қурылысшы
сатып алыўшыға квартираны бөлип-бөлип төлеў шәрти менен тиккелей сатыўы мүмкин
болады. Жаңа талаплар қурылысшы ҳәм сатып алыўшы арасында тиккелей шәртнама
дүзиўди қадаған етпейди.
Соның менен
бирге, 2027-жылдан баслап бөлип-бөлип төлеў операторларының жумысы қатаң
тәртипке салынады. Олар арнаўлы реестрге киргизилиўи ҳәм Орайлық банк
қадағалаўы астында жумыс алып барыўы керек болады. Олардың шәртнамалары,
комиссия ҳәм үстеме баҳалары ушын да белгили талаплар белгиленеди.
Солай етип,
2027-жыл 1-январьдан кейин де турақ жайды бөлип-бөлип төлеў шәрти менен сатып
алыў мүмкин болады. Шеклеў әйне бөлип-бөлип төлеў операторларына тийисли - олар
көшпес мүлкке байланыслы бундай хызметти көрсете алмайды.
