Тавре хабаргузории Report бо истинод ба нашрияи The Hindu хабар медиҳад, ҳодиса 11 ноябр, тақрибан соати 06:54 ба вақти маҳаллӣ (05:24 ба вақти Боку), дар наздикии истгоҳи роҳи оҳани Дигару, воқеъ дар ноҳияи Камруп, рух додааст.
Бино ба маълумоти Роҳи оҳани сарҳадии шимолу шарқии Ҳиндустон, қатораи рақами 13125 аз Калкутта ба шаҳри Сайранг, воқеъ дар иёлати Мизорам, ҳаракат мекард.
Намояндаи маъмурияти роҳи оҳан Капинҷал Кишор Шарма хабар дод, ки ҳодиса ҳангоми ворид шудани қатор ба истгоҳ рух додааст. Қатор бояд дар он ҷо барои гузаштани қатораи дигар роҳ медод.
«Ронандаи локомотив натавонист суръати ҳаракатро идора кунад ва дар натиҷа тепловоз ва панҷ вагон аз релс берун шуданд», — шарҳ дод ӯ.
Намояндаи роҳи оҳан итминон дод, ки ҳамаи мусофирон дар амон ҳастанд. Барои идомаи интиқоли онҳо қатораи дигар ташкил карда шуд.
Ба маҳалли ҳодиса гурӯҳҳои наҷотдиҳии фаврӣ ва намояндагони роҳбарияти роҳи оҳан фиристода шуданд. Мутахассисон ба корҳои барқарорсозӣ ва тоза кардани роҳҳои оҳан оғоз карданд.
