Онда 30 дан аслам сырт мәмлекетлерден келген жоқары мәртебели мийманлар,
мәмлекет ҳәм ҳүкимет басшылары, парламент баслықлары, Бас министрдиң
орынбасарлары, министрлер басшылығындағы делегациялар қатнасты.
Илаждың ашылыў мәресиминде шығып сөйлеген Сербия Президенти 1961-жылы
Қосылмаў ҳәрекетиниң биринши конференциясы өткерилген Белград қаласының
тарийхый әҳмийетин атап өтти. Сондай-ақ, ҳәрекеттиң тийкарғы принциплери
бүгинги күнде де өз әҳмийетин сақлап қалып атырғанын атап өтти.
Өзбекстан
делегациясы басшысының шығып сөйлеген сөзинде ҳәзирги ўақытта Қосылмаў
ҳәрекетиниң әҳмийети ҳәм 2027-2030-жылларда Өзбекстанның басшылығына таярлық
ҳаққында сөз болды. Өзбекстан Республикасы Президенти Шавкат Мирзиёев тәрепинен
халықаралық минберлерде алға қойылған тынышлық ҳәм қәўипсизликти тәмийинлеў,
экономикалық бирге ислесиўди раўажландырыў, климат өзгериўи ҳәм жаслар
мәселелери бойынша бирге ислесиў басламалары тийкарғы бағдарлар сыпатында атап
өтилди.
Илаж шеңберинде
Сербия Республикасы Президенти Александр Вучич Өзбекстан делегациясы менен
ушырасты.
Ушырасыўда
Өзбекстан ҳәм Сербия арасындағы көп қырлы қатнасықлар еки мәмлекет
Президентлери арасында жолға қойылған жедел сөйлесиўлер тийкарында жедел
раўажланып атырғаны атап өтилди.
Парламентлераралық
сөйлесиўдиң көлемин кеңейтиў, экономика, инвестиция, саўда тараўларында бирге
ислесиў ҳәм қоспа жойбарларды әмелге асырыў әҳмийетли екени атап өтилди.
Сондай-ақ, Сербия
Республикасы Халық жәмәәти Спикериниң орынбасары Марина Рагуш ҳәм басқа да сырт
ел делегацияларының басшылары менен ушырасыўлар өткерилди.
