Онда пайтахт ҳәкимлигиниң ўәкиллери, Ташкент қалалық кәсип-өнер билимлендириўи басқармасының баслығы Б.Ражабов, Берлиндеги “Modeschule Berlin” мода мектебиниң директоры Йорн Рюбзам басшылығындағы делегация ҳәм Германия халықаралық бирге ислесиў жәмийетиниң (GIZ) “TexVET-II” жойбарының ўәкиллери қатнасты.
Германия делегациясы қурамында жәми 18 адам, соның ишинде, билимлендириў мәкемесиниң басшысы, оқытыўшылар, оқыўшылар ҳәм жойбар ўәкиллери бар.
Сөйлесиўлер даўамында тәреплер Ташкент ҳәм Германия профессионал билимлендириў мәкемелери арасындағы бирге ислесиўди кеңейтиў, оқыў процесине Германияның алдынғы тәжирийбесин енгизиў, педагоглардың қәнигелигин арттырыў, оқыўшылар ушын халықаралық стажировка ҳәм тәжирийбе алмасыў имканиятларын кеңейтиў мәселелерин додалады.
Билимлендириў мәкемелериниң материаллық-техникалық базасын модернизациялаў, оқыў бағдарламалары ҳәм методикаларын жетилистириў, оқытыўшылардың Германияға әмелиятын шөлкемлестириў, оқыўшылар ушын алмасыў бағдарламаларын раўажландырыў мәселелерине айрықша итибар қаратылды.
Сондай-ақ, тәреплер профессионал билимлендириў системасы ҳәм өндирис секторы арасындағы байланысларды беккемлеў имканиятларын көрип шықты.
“Modeschule Berlin” менен бирге ислесиўдиң табыслы тәжирийбесин пайтахтымыздағы басқа да профессионал билимлендириў мәкемелерине енгизиў имканиятлары айрықша додаланды. Атап айтқанда, жеңил санаат, тигиўшилик, дизайн ҳәм талап жоқары болған басқа да бағдарлар бойынша қәнигелер таярлаў тараўларында биргеликтеги басламаларды әмелге асырыў ҳаққында сөз болды.
