Илаж Өзбекстан Миллий мәлимлеме агентлиги (ӨзА) ҳәм Россияның ТАСС мәлимлеме агентлиги тәрепинен шөлкемлестирилди, деп хабар бермекте "Дунё" МА.
Ашылыў мәресими ҳәм жумыс сессияларында еки мәмлекеттиң тийисли министрликлери ҳәм уйымларының басшылары, сондай-ақ, 50 ден аслам жетекши медиа компанияларының топ-менеджерлери қатнаспақта.
Қатнасыўшылар арасында «ПРМТРК», «Биринши канал», "Всемирная сеть", НТВ, МТРК "Мир", «RТ», «ТАСС», "Газпром-Медиа Холдинг", «VK» ҳәм "Яндекс" ўәкиллери бар.
Өзбекстан, сондай-ақ, жетекши мәмлекетлик ҳәм мәмлекетлик емес ғалаба хабар қураллары, экспертлер жәмийетшилиги ҳәм қәнигелескен жоқары билимлендириў мәкемелери тәрепинен де сәўлелендирилген.
Форумның тийкарғы мақсети - мәлимлеме мәканының трансформациясы шараятында кәсиплик байланысларды беккемлеў, бәсекиге шыдамлы миллий контент жаратыў ҳәм перспективалы биргеликтеги жойбарларды баслаўдан ибарат.
Илаж еки мәмлекет медиа жәмийетшилиги арасында ашықтан-ашық сөйлесиў ҳәм кәсиплик тәжирийбе алмасыў ушын нәтийжели майданға айланыўы нәзерде тутылған.
