Түркия мәденият ҳәм туризм министри Мехмет Нури Эрсой Өзбекстан Туризм комитетиниң баслығы Абдулазиз Аққуловқа символикалық гилтти тапсырды. Алдын бул статус 2026-жылы түркий дүньяның туризм пайтахты болған Анқараға тийисли еди.
Мәресимде Меҳмет Нури Эрсой шығып сөйлеп, Өзбекстанға Ташкентке ҳүрметли статус берилгени менен қутлықлады. Мәмлекетимиз бай тарийхый-мәдений мийрасқа, өзине тән дәстүрлерге ҳәм жоқары туристлик потенциалға ийе екенин атап өтти. Оның атап өтиўинше, жаңа статус түркий мәмлекетлер арасындағы туризм байланысларын беккемлеў ушын қосымша имканиятлар ашады.
Өз гезегинде, Абдулазиз Аққулов түркий мәмлекетлер ўәкиллерин келеси жылы Ташкентке келиўге мирәт етти.
Сондай-ақ, ол кино көркем өнер ғайраткерлерине мүрәжат етип, оларды Өзбекстанға көбирек келиўге, өзиниң дөретиўшилик қураллары арқалы халықаралық аудиторияны елимиздиң тарийхый орынлары, әййемги қалалары, сулыў тәбияты ҳәм мәдений мийрасы менен таныстырыўға шақырды.
