Дар оғози мулоқот вазир ба сарвари давлати мо саломи
самимӣ ва орзуҳои накӯи Президенти АМА Шайх Муҳаммад Ол Наҳаён, Сарвазир, Ноиби
президент ва амири Дубай Шайх Муҳаммад Ол Мактум, инчунин Ноиби президент Шайх
Мансур Ол Наҳаёнро расонд.
Масъалаҳои муҳими густариши минбаъдаи ҳамкориҳои бисёрҷонибаи
ду мамлакат, пеш аз ҳама, дар самти афзунсозии самарадории идоракунии давлатӣ
ва таъмини натиҷадории ислоҳоте, ки дар ин соҳа амалӣ мешаванд, баррасӣ
гардиданд.
Рушди босуръати муносибатҳои дӯстӣ ва шарикии стратегии Ӯзбекистон
ва АМА, таҳкими ҳамкориҳои амалӣ дар самтҳои афзалиятнок бо қаноатмандии бузург
қайд карда шуд.
«Харитаи роҳ»-и муштарак, ки ҳамкориро дар 10 самти
асосии такмилдиҳии механизмҳои хидмати давлатӣ пешбинӣ мекунад, пайваста амалӣ
мешавад. Таҷрибаи пешқадами АМА дар самти коҳиши бюрократия ҷорӣ мегардад. Дар
доираи барномаи дахлдор офиси лоиҳа ба фаъолият шурӯъ кард.
Натиҷаҳои татбиқсозии барномаи таълимии «Панҷ миллион
пешвои зеҳни сунъӣ», ки то имрӯз фарогирии он аз як миллион нафар афзудааст,
эътироф гардид.
Имрӯз маросими сарфарозгардонии ғолибони лоиҳаи «Арзёбии
самарадории фаъолияти мақомоти давлатӣ» баргузор гардид. Ҷонибҳо манфиатдории
худро аз густариши минбаъдаи доираи ин ташаббус, аз ҷумла боз ҳам вусъат ёфтани
он тавассути ҷалби намояндагони мақомоти маҳаллии ҳокимияти давлатӣ, иброз
намуданд.
Нақшаҳои якҷоя роҳандозӣ намудани ҳаракати умумимиллии
китобхонӣ низ баррасӣ гардид.
Аз рӯйи татбиқсозии лоиҳаҳое, ки ба дастгирӣ ва камолоти ҷавонон
нигаронида шудаанд, гузаронидани форумҳои муштараки рушд ва пешбурди таҳияи ҳуҷҷатҳои
стратегӣ ва консептуалӣ, ки ба рушди Ӯзбекистон хидмат мекунанд, созиш ба даст
омад.
