Онда Өзбекстан тәрепиниң тийисли бөлимлери - Өзбекстан Денсаўлықты сақлаў
министрлиги Бирлемши медициналық-санитариялық жәрдемди шөлкемлестириў
басқармасы, Республикалық қәнигелестирилген кардиология илимий-әмелий медицина
орайы ҳәм Республикалық қыстаўлы медициналық жәрдем илимий орайының басшылары
қатнасты, деп хабар береди "Дунё" МА.
Илаж даўамында
Ленинград ўәлаяты Денсаўлықты сақлаў комитети баслығының орынбасары Алексей Вальденберг
усы бағдарлардағы регион тәжирийбеси, атап айтқанда, өткир коронар синдромларда
жәрдем көрсетиў методологиясы ҳәм ерисилген нәтийжелер менен таныстырды.
Медициналық
әсбаплардан мағлыўматларды "Bluetooth" ҳәм Интернет технологиялары
арқалы бирден-бир электрон базаға жибериўге тийкарланған наўқасларды аралықтан
бақлаў системасының презентациясына айрықша итибар қаратылды.
Алексей Вальденбергтиң
атап өтиўинше, бул технология интернет байланысы турақсыз болған алыс елатлы
пунктлерде жасайтуғын наўқасларды үзликсиз аралықтан бақлаў имканиятын береди,
бул медициналық жәрдемниң қолайлығы ҳәм сапасын сезилерли дәрежеде арттырады.
Презентация
жуўмағында тәреплер өзлерин қызықтырған әмелий мәселелерди додалады. Ушырасыў
жуўмағында Алексей Вальденберг ушырасыў қатнасыўшыларын әмелий режимде
системаның жумысы менен танысыў ушын Ленинград ўәлаятының медицина мәкемелерине
барыўға мирәт етти.
