Сөйлесиўде Өзбекстан ҳәм Тәжикстан парламентлераралық байланысларын раўажландырыў мәселелери додаланды. Парламентлераралық бирге ислесиўди беккемлеў, нызам дөретиўшилиги ҳәм парламентлик қадағалаў тараўларында тәжирийбе алмасыў мәселелерине де айрықша итибар қаратылды.
Еки мәмлекет басшыларының сиясий ерк-ықрары, өз-ара исеними ҳәм турақлы сөйлесиўи себепли тарийхый жақын өзбек ҳәм тәжик халықлары арасындағы қатнасықлар жаңа мазмун менен байып атырғаны атап өтилди. Атап айтқанда, усы жылдың 26-27-март күнлери Тәжикстан Президентиниң Өзбекстанға мәмлекетлик сапары ҳәм Жоқары мәмлекетлераралық кеңестиң биринши мәжилиси еки тәреплеме бирге ислесиўдиң жаңа перспективаларын белгилеп берди.
Рустами Эмомали өткен жылы Ташкентте болып өткен Парламентлераралық аўқамның 150-Ассамблеясы ҳәм усы жылы 4-6-сентябрь күнлери Самарқандта болып өткен Жас парламентарийлердиң XII Глобаллық конференциясы жоқары дәрежеде шөлкемлестирилгенин айрықша атап өтти. Бул халықаралық илажлардың жуўмақлары бойынша қабыл етилген декларациялар парламентлераралық сөйлесиўди раўажландырыўға ҳәм регионаллық бирге ислесиўди беккемлеўге хызмет ететуғыны атап өтилди.
Өз гезегинде, Танзила Норбоева жақында Душанбе қаласында өткерилген Орайлық Азия мәмлекетлериниң IV Парламентлераралық форумы жоқары дәрежеде шөлкемлестирилгенин, оның шеңбериндеги додалаўлар улыўма регионаллық мәселелер бойынша парламентлердиң позицияларын жақынластырыў, тәжирийбе алмасыў ҳәм бирге ислесиўдиң жаңа бағдарларын белгилеўге хызмет етип атырғанын атап өтти.
Ушырасыўда саўда-экономикалық байланысларды кеңейтиў, санаат кооперациясын раўажландырыў, транспорт ҳәм шегараалды инфраструктурасын жетилистириў, Ташкент ҳәм Душанбе қалалары арасында тиккелей бирге ислесиўди жолға қойыў мәселелери бойынша пикир алысылды.
Сондай-ақ, мәдений-гуманитарлық ҳәм социаллық тараўларда бирге ислесиўди кеңейтиў, билимлендириў, денсаўлықты сақлаў ҳәм халықты социаллық қоллап-қуўатлаў тараўларында тәжирийбе алмасыў әҳмийетли екенлиги атап өтилди.
Ушырасыў жуўмағында Өзбекстан Республикасы Олий Мажлиси Сенаты ҳәм Тәжикстан Республикасы Олий Мажлиси Миллий Мажлиси Мажлиси арасында 2027-2028-жылларға мөлшерленген бирге ислесиў бойынша "жол картасы"на қол қойылды.
Тәжикстан Республикасы Олий Мажлиси Миллий Мажлисиниң Баслығы тәрепинен Сенаттың Ҳүрметли мийманлар китабына қолтаңба жазылды.
