Ушырасыўда еки мәмлекет арасындағы парламентлераралық, саўда-экономикалық ҳәм мәдений-гуманитарлық бирге ислесиўди және де кеңейтиў мәселелери додаланды.
Еки мәмлекет басшыларының сиясий ерк-ықрары ҳәм өз-ара исенимге тийкарланған қатнасықлары себепли Өзбекстан - Түркия бирге ислесиўи стратегиялық шериклик дәрежесине көтерилгени, дослық байланыслары кейинги жылларда барлық тараўларда, соның ишинде, парламентлераралық сөйлесиўде избе-из раўажланып атырғаны айрықша атап өтилди.
Ушырасыў жуўмағында парламентлераралық бирге ислесиўди буннан былай да жеделлестириў, усы жылдың апрель айында Стамбул қаласында Олий Мажлис Сенаты ҳәм Түркия Уллы миллет мәжилиси арасында қол қойылған 2026-2027-жылларға мөлшерленген "Жол картасы"ның бәнтлерин әмелге асырыў бойынша бирге ислесиўге келисип алынды.
