Өзбекстан елшиси Қаромиддин Гадоев бул қәдем Өзбекстанның АСЕАНға ағза
барлық мәмлекетлер менен қатнасықларында жаңа бет ашатуғынын атап өтип, Ташкент
бул қәдемге үлкен әҳмийет қарататуғынын атап өтти, деп хабар береди Малайзияның
“Bernama” рәсмий мәлимлеме агентлигине тийкарланып “Дунё”
ХА.
Куала-Лумпурда “HUITM
Umra Plus 2026” халықаралық туризм
көргизбесиниң ашылыў мәресиминде шығып сөйлеген дипломат Дослық ҳәм бирге
ислесиў ҳаққындағы шәртнама санаат, аўыл хожалығы, туризм, хызмет көрсетиў,
банк тараўлары сыяқлы тараўларда экономикалық бирге ислесиў ушын кең
имканиятлар жаратып атырғанын атап өтти.
Атап өтилиўинше,
келисим шеңберинде бирге ислесиў АСЕАНның айрықша мәмлекетлери менен әмелий
басламалар ҳәм биргеликтеги жойбарларға айланады.
Еслетип өтемиз,
регион мәмлекетлери дерлик бир жыл даўам еткен таярлық ҳәм дипломатиялық мәсләҳәтлесиўлерден
соң Өзбекстанның шәртнамаға қосылыўын мақуллады. Бул қәдем мәмлекетлераралық
бирге ислесиўди кеңейтиў, саўда-экономикалық ҳәм инвестициялық байланысларды
беккемлеўге хызмет етиўи күтилмекте.
1976-жылы қол
қойылған Дослық ҳәм бирге ислесиў ҳаққындағы шәртнама Қубла-Шығыс Азияда
мәмлекетлераралық бирге ислесиўдиң тийкарғы кодекси болып, тыныш-татыў жасаў,
өз-ара ҳүрмет ҳәм бирге ислесиў принциплерин беккемлейди. 2025-жыл жағдайына
бола, оған 58 мәмлекет қосылды.
Экономикалық
мазмунда Малайзия Өзбекстан тәрепинен Қубла-Шығыс Азияға байланыслы әҳмийетли
көпир сыпатында баҳаланатуғыны атап өтилген. Ҳәзирги ўақытта мәмлекетимизде
Малайзия капиталының қатнасыўында 50 ге шамалас қоспа кәрхана жумыс алып
бармақта, 40 тан аслам жойбар әмелге асырылмақта.
Бирге ислесиў
аўыл хожалығы өнимлерин қайта ислеў, нефть-газ ҳәм нефть-химия тармақлары, энергетика,
электротехника ҳәм электроника санаатын қамтып алған.
Сондай-ақ,
Малайзия компаниялары менен Өзбекстанның туризм тараўын раўажландырыў ушын
мийманхана инфраструктурасы ҳәм заманагөй гольф клубларына инвестиция киргизиў
бойынша сөйлесиўлер алып барылмақта.
