"Олимпиада қалашасы"нда каратэ бойынша World Karate Federation (WKF) версиясы бойынша «Uzbekistan Open» халықаралық турнири болып өтти. Сыйлық қоры 10 мың 400 АҚШ долларын қурайтуғын жарысқа Өзбекстан, Қырғызстан, Қазақстан, Россия ҳәм Тәжикстаннан 450 ге шамалас спортшы қатнасты.
Ҳәр қыйлы жас категорияларында өткерилген беллесиўлер
жуўмағында Өзбекстан ўәкиллери 34 алтын, 40 гүмис ҳәм 54 бронза медалын қолға
киргизип, улыўма командалық есапта биринши орынды ийеледи.
Сондай-ақ, жарыс миллий сайланды командамыздың тренерлер
штабына 2026-жылғы Азия ойынлары алдынан тийкарғы ҳәм резерв қурамның
потенциалын баҳалаў имканиятын берди.
