Аз ҷумла, се манзили истиқоматӣ дар шаҳри Тошканд ва
вилояти Тошканд мавриди санҷиш қарор гирифтанд. Дар онҳо доруҳое нигоҳдорӣ
мешуданд, ки ба шаҳрванди соли таваллудаш 1963, сокини ноҳияи Янгиҳаёти шаҳри Тошканд ва ду фарзанди ӯ тааллуқ
доштанд.
Дар натиҷаи чорабиниҳо 1330 қуттӣ доруҳои қалбакии 29 номгӯй, аз ҷумла «Buserelin», «Volini», «Bikana», «Tirzetta» ва дигар навъҳо, ошкор ва
мусодира карда шуданд. Аз рӯи ин ҳолат ҳуҷҷатҳои дахлдори мурофиавӣ тартиб дода
шуданд.
Тибқи ҳисобҳои пешакӣ, арзиши умумии доруҳои мусодирашуда
тақрибан 600 миллион сӯмро
ташкил медиҳад.
Муайян гардид, ки аъзои ин оила доруҳоро аз Федератсияи
Русия бо қисмҳои хурд, бо истифода аз мусофирон ва тавассути нақлиёти роҳи оҳан
ва ҳавоӣ ба кишвар ворид намуда, баъдан онҳоро дар шаҳри Тошканд ба фурӯш
мебароварданд.
Айни замон барои муайян намудани сифат ва таркиби доруҳои
мусодирашуда ташхисҳои коршиносӣ таъин гардида, санҷишҳои зарурӣ идома доранд.
