Festival Rossiya, O‘zbekiston, Qozog‘iston, Qirg‘iziston va Tojikiston teatrlari direktorlari va bosh rejissyorlarini birlashtiradi. Dasturdan spektakllar, mahorat saboqlari hamda Rossiyaning yetakchi teatr tanqidchilari ishtirokida repertuar siyosati masalalari bo‘yicha panel munozarasi o‘rin olgan.
Tantanali ochilish marosimi 14-oktabr kuni O‘zbekiston Davlat yosh tomoshabinlar teatrida bo‘lib o‘tadi. Teatr aktyorlari ochilish marosimiga tayyorlangan “Masxaraboz shou”ni taqdim etadilar.
Shu kuni Toshkentdagi Rus uyida festivalning panel munozarasi bo‘lib o‘tadi. 15–19-oktabr kunlari O‘zbekiston Davlat yoshlar teatri va O‘zbekiston Davlat akademik rus drama teatri aktyorlari uchun sahna nutqi va Mixail Chexovning aktyorlik tizimi bo‘yicha mahorat saboqlari rejalashtirilgan.
Dasturda, shuningdek, O‘zbekiston, Qozog‘iston va Rossiya teatrlarining spektakllari o‘rin olgan. 15-oktabr kuni O‘zbekiston Davlat yoshlar teatri Qostanay viloyat rus drama teatri tomonidan Leonid Andreyev hikoyalari asosida sahnalashtirilgan “Kүchүk” («Shenok») spektaklini taqdim etadi.
16-oktabr kuni O‘zbekiston Davlat akademik rus drama teatri sahnasida “Yolg‘iz qayiq” spektakli namoyish o‘tkaziladi. Keyinchalik shu sahnada festival ishtirokchilariga diplomlarni topshirish marosimi xam bo‘lib o‘tadi.
19-oktabr kuni dastur Permning “U mosta” teatrining Nikolay Gogol qissasi asosidagi “Viy” spektakli bilan yakunlanadi.
