Келисимниң тийкарғы мақсети қатнасыўшы мәмлекетлер арасында
саўда-экономикалық ҳәм инвестициялық байланысларды инвестициялық жумыс арқалы
кеңейтиўге жәрдемлесиўден ибарат екени атап өтилди.
Жаңа раўажланыў банкине ағзалық елимиздиң сырт ел инвестицияларын тартыў,
инфраструктура ҳәм турақлы раўажланыў тараўындағы ири жойбарларды қаржыландырыў
имканиятларын кеңейтеди.
Банк мәмлекетлик
ҳәм жеке меншик сектор жойбарларын қоллап-қуўатлаў мақсетинде кредит, кепиллик
ҳәм инвестиция сыяқлы заманагөй финанслық қураллардан пайдаланбақта.
Сенаторлардың
пикиринше, нызамның қабыл етилиўи Өзбекстан Республикасының халықаралық финанс
институтлары менен бирге ислесиўин кеңейтиўге, инвестицияларды тартыўға ҳәм
экономика тармақларын модернизациялаўға, сондай-ақ, турақлы экономикалық өсиўди
ҳәм елимиз инфраструктурасының раўажланыўын тәмийинлеўге хызмет етеди.
Сенаторлар
тәрепинен нызам мақулланды.
